ஒற்றுமை

ஒற்றுமை 

ஒன்றென்று சொல்லிடுவாய் சிவசக்தி

செந்நிற ஓட்டத்தினால்                   

                               படும் பாட்டத்தினால் 

ஒன்றென்று சொல்லிடுவாய் சிவசக்தி 

நன்றென்று சொல்லிடுவாய் சிவசக்தி 

 வேற்றுமை அழிவுண்டு                   

                       ஒற்றுமை பலம் கண்டு 

       வாழ்ந்திருந்தால் அது   

நன்றென்று சொல்லிடுவாய் சிவசக்தி

தமிழ்க்கவிஞன்

 தமிழ்க்கவிஞன் 

உன் காதலனாய் நானிருத்தல் வேண்டும் இல்லை 

உன் சேவகனாய்  வாழ்ந்திருத்தல் வேண்டும் -தமிழே 

என் சித்தத்தில் உன் அழகை கண்டிருக்கிறேன் 

நான் மொத்தத்தில் உன்னிலே நின்றிருக்கிறேன் 

சுடர் மிகு அறிவுடன் படைத்துவிட்டாய் 

நாடுகள் நலம் பெற விதைத்துவிட்டாய் 

நாட்டுக்கு நான் வாழ விரும்பவில்லை 

தமிழ் பாட்டுக்கு தான் வாழ விரும்புகிறேன்

ஆசி அளிப்பாயாக ;

கண்ணம்மா

 கண்ணம்மா 

காணும் கருமையல்லாம் கண்ணம்மா 

உன் கருங்கூந்தல் தெரியுதடி 

பார்க்கும் இடங்களெல்லாம் கண்ணம்மா 

உன் பார்வை தோன்றுதடி 

காணும் காட்சியல்லாம் கண்ணம்மா 

உன் உருவம் மட்டுமடி 

பேசும் வார்த்தை எல்லாம் கண்ணம்மா 

கவிதையாய் மாறுதடி 

என்னை கவிஞனாக்குதடி

வாழ்க்கை

 வாழ்க்கை 

கருவறை புழுக்கத்தால் 

காற்றாட வந்தவர் நாம் 

கடைசியில் போகும்போது 

காற்றிழந்து போகின்றோம் 

வையகம் வந்தோம் 

வாழ்க்கையை வெல்ல 

கானகம் சென்றோம் 

கலியுகம் என்றோம்

காதல்

காதல்

காக்கைச்சிறகினிலே காதல் உரைத்தேன்
காக்கை காதலி யாரென கேட்டது
கனம் நொடி யோசித்தேன்
கணம் கொண்டு மனம் வலித்தது
காதலி தான் எனக்கில்லை நீயனக்
குரைப்பாயா என்றேன்
நீல வண்ணம் கொண்ட நீளமான
வானத்தை காதல் செய் என்றது
அவளுக்குத்தான் எல்லையே இல்லை
அவளை தேடினால் ஏன் தேடலுக்கு முடிவில்லை
மண்ணிலே உயர்ந்த உயர்
சிகரத்தை காதல் செய் என்றது
நான் அவளோடு உரையாடினால் ஏனோ
அவள் மௌனம் கொள்கிறாள்
பச்சை தனை உடலை கொண்ட
பசுந்தாவரத்தை காதல் செய் என்றது
அவள் மட்டும் பேசிடுவாளா
உடலில் பசுமையும் பேச்சில் வறுமையும் கொண்டவள்
-அப்படியானால்
உன்னை காதலிக்கும் பெண்ணைத்
தேடி காதல் செய்
என்னையும் ஒரு பெண் காதலித்தால் ஏனோ
எந்தை வேண்டாம் என்கிறார் என்று சொல்லி பிரிந்துவிட்டால்



நீங்களே சொல்லுங்கள் நான் யாரை காதலிப்பேன்

விக்னபாரதி

இது எனது முதல் இடுகை
நான் முதலில் எனது எண்ணம் குறித்து பேச ஆசை கொள்கிறேன்